(نسيت ورقه جدول اختي +نسيت اخذ رقم صديقه اختي+نسيت اخذ فلوس + نسيت اكتب رقم جوال امي + غبيه.. كتبت الرقم الثاني + كافتيرتا (آه ليش ماخذت فلوس + دقيت على اخوي ( ايه وش اسمه الجدول رقم بالمطبخ )+ اه ابي وجه احد اعرفه محد يعطي وجه محد يبتسم +اشوى فُرجت)
احداث اليوم كثيره -_-
..
( باب اسو .. باب اسود .. اها هذا .. لو سمحتي ابي اعدل جدول و ^%%^$%^$#$^)
: مو عندي بالقسم الثاني
: وين ؟
: روحي لقسمك !!
: انا مو... ماعرف للكليه ^^"
: روحي للقسم تلقينه ورا
:(بغيت أسأل وين برضو بس حسيت بتعطين كف)
المهم طلعت لا اعرف اين وجهتي بالكليه رحت وجيت ومشيت وجلست بالكافتيريا
قلت لنفسي ( غبيه ليش ماجبت فلوس .. المهم جدول اختي ... هاه لحظه .. وينه ماجبته :"| )
دقيت على اخوي : شفت فيه ورقه بالمطبخ...
: طيب بجيبه
:^^" هههه
جاء اخوي واخذت الجدول وبديت احوس واجي ومافيه احد مادري أسأل مين !
أصلا وجيه الناس بالهصبح ماتشجع انك تسألهم !! :|
المهم تشجعت وشفت وحده شكله نفس القسم المهم اني اعتمد على احاسيسي :)
البنت الله يجزاه خير احسن شي انها بعمري وبرضو اخر سنه ساعدتني وبعد تعرف اختي ^_^
ورحنا وجينا وسألنا وكتبت معي الجداول ياحبيله
المبكي من الذكاء الي بي قالت لي أسألي عن وحده اسمه د. مها رحت سألت عن وحده اسمه أمل !!
أبد ماجمع وخصوصا اذا كنت مرتبكه
وعلى هالحاله لين ماخلصنا كتابه الجداول ثم قالت لي ( يلا الله يوفقك :) )
: ودي اقوله اصبري معي شوي :"
بس (ايه شكرا جزاك الله خير)
المهم رجعت لغرفه الباب الأسود قلت
(كتبت الجداول ’ قالت موعندي بالمبنى الي جنب على طول: اها شكرا
دخلت المبنى كان فيه بعض الأستاذات والدكتورات لكن مب زحمه ابدا وهذا شي يريح -_-
تذكرت كليتي وزحمته الي توسع الصدر :|
: لو سمحتي وين القى تسجيل المواد
: مادري
: (وشو ذا ليش الناس جايين محد يدري عن شي هنا
): يمكن الغرفه الي قدام
: دخلت الغرفه ,, (لحظه احد يناديني)
.. التفت لقيت بنت خالتي ... واروح اخممه واخربط بالكلام ومادري وش اقول المهم اشوى عطتني رقم امي
ولما عطيته الجوال شفته معه عبايته (يعني بتطلع :""| ) ايه شكرا مع السلامه
: آه ابي احد صديقاتي
المهم بعد عدة مكالمات دخلت للغرفه التسجيل وعطيته المواد
هزئتني شوي عشاني كاتبه الأرقام غلط وحوسه و @##$$%%^#...
قالت لي : روحي خوذي من المكتبه ورقه حذف واضافه واكتب مواد المستوى الثامن
... -_-
امشي وامشي .. وين كانت المطبعه.. وين
.. ايه تذكرت ..واشوى لقيته :0
: ممم لو سمحتي ابي ورقه حذف واضافه
: بريال
: هاه.... بس ماجبت فلوس اليوم
: عادي الأسبوع الجاي
: بس انا مو من الكليه هذي,, اختي تجي
: مو مشكله عطي اختك
: اوك شكرا D :
رجعت للغرفه كتبت المواد وحطيته على الطاوله وجلست انتظر ..
سألت نفسي ليش قاعده انا انتظر خلاص خلصت اصلا..
عرفت اني عجزه افكر واتحرك -_-"
طلعت دفتري وقعدت ارسم حالتي الكسيفه
.. اليوم قدرت قيمه الماء بشكل . كنت عطشااانه وحررر واشوف قوارير الماء مجدعه هنا وهناك و ,,, الله يستر علي
الهم عقب ماعادت انفاسي دقيت على اخوي
: طوط طوط ..... مايرد
دقيت على ابوي : ماقدر اجي عندي درس الحين .. :/
استسلمت وقعدت انتظر تفرج -_-
: دق علي ابوي مره ثانيه : خلاص بيجي اخوك بعد شوي
: اوك :]
وانا انتظر.... شفت البنت الي ساعدتني
قالت لي: هاه وش صار معك
: ممممم .....#%$#%$%^$#%$%$@$@#@$#...... وبس هذا الي صار -_-
(هذي حالة بنات الكليات الي مايعرفون يسنعون مواقعهم الجامعيه )
رجعت البيت وشربت ماء وعصير واكلت كيكه وكملت درامتي ونمت
لما جاء المغرب اكتشفت ان كليتي لازم اروح له عشان اعدل جدولي
عاد صديقتي جزاه الله خير راحت وعدلت جداولنا والله انه انقذت حياتي
وانا في النعيم بسريري امي جت تقول : بنطلع لشاليه :)
:(ليش اليوم بالذات) T-T
شوي ويدق ابوي يقول لا خلاص بنطلع منه مب زين بنروح نتعشى بالبر
(مادري اروح ولا لا بس ابي اتنفس شوي وهدوء)
رحنا للبر وجلسنا جلسه جميله :)
وبينما نحن كذلك و...... نسمع صوت (كلب)
يوو عيونهم تنور بعد .. شوي وصاروا (كلبين ) وبدينا نسمع اصواتهم
( تذكرت كل فلم شفته عن هالفئه من الحيوانات وجتني قشعريره)
اختي تسأل : وش ياكلون هم
اخوي : مممم .. ياكلونك .. ياكلون خلودي ... كذا يعني
: .....
... وبعد فتره من الزمن بدا نسيم الهواء وبدا الجو يصير جميل :)
كنا نلعب لعبه الطيرات الي يلقى طياره بالسماء هو الفايز وأسئله اخوي عن الأرقام وبرنامج النجوم بالجلكسي جدا جميل ..3>
وفي هذه الاثناء .. بدا الهوا يزيد .. وكلما زادت سرعه الهواء ..... يعني بناكل تراب!!
ترددنا كثير اننا نمشي لكن في الأخير أخذنا مكرونتنا ومشينا للبيت :/
.... ونهايه سعيده -__-
ليست هناك تعليقات:
إرسال تعليق